Sipangidangi, Tata Ibadah, Liturgi Peraayaan Natal Bapa GKPS Resort Jambi Sabtu 21 Desember 2024

Sabtu 21 Desember 2024.

JAMBI-Sipangidangi Bani Peraayaan Natal Bapa GKPS Resort Jambi Sabtu 21 Desember 2024 di GKPS Tanah Kanaan Jambi.

Paragenda  : St. Radesman Saragih S Sos

Ambilan      : Pdt. Franky Doris Morinata Malau STh

Doding         : St. Roni Damanik

Musik           : St. Friston Rayanto Sinaga

Singer          : Bapa T. Kanaan

Galangan   : Pengurus Bapa GKPS Resort Jambi 

Ketua: St Jan Warisman Saragih

Wakil Ketua: C.St Ligsan Purba

Bendahara: Bp Helman Saragih

Wakil Sekretris: Bp Oka Abraham Purba

Tonggo        : Pdt. Rudyard N Saragih SSi Teol.

Halaman-I

Halaman-II

Halaman-III

Halaman-IV

Baca: Aksi Kasih Bingkisan Natal Seksi Bapa GKPS Resort Jambi 2024

1.    Liturgi Parlobei pasal Haluahon humbani Naibata                      ( GKPS JAMBI )

P.   Haluahon do na binahenni Naibata bani sagala na tinompaNi. Pusok do uhurNi mangidah dousa ampa horja hajungkaton na binahenni jolma. Ipadas Naibata ma padanNi hubani jolma in, paboa sirsir do Ia paluahkon jolma humbani dousa pakon hajahaton. 

 

1.    “Ibere Ham do bangku gantar ni haluahon-Mu, anjaha halayakon-Mu do patimbulhon ahu.” (2 Samuel 22:36) 

 

2.    “Dodingkon ma Jahowa, nasiam ganup tanoh, ambilankon ma haluahon-Ni ganup ari!” (1 Kronika 16:23)

  

3.    “Tapi humbani Jahowa do haluahon ni halak parpintor, Ia do parlingodan ni sidea sanggah hasosakan.” (Psalmen 37:39) 

 

4.    “Jahowa do sipangurupi pakon na paluahkon sidea, Ia do na paluahkon sidea humbani tangan ni halak parjahat, ipabansah do sidea halani marlingod sidea Bani.” (Psalmen 37:40) 

 

5.    “Ham do Rajangku, ampa Naibatangku, na manongos haluahon bani Jakob.” (Psalmen 44:5) 

 

6.    “Tapi anggo ahu, madoyuk do anjaha marsik do; haluahon na hun Bamu ma, alo Naibata, na mandingdingi ahu.” (Psalmen 69:30) 

 

7.    “Tapi Rajangku do Naibata humbani nabasaia, Ia do mambahen haluahon i tanoh on.” (Psalmen 74:12) 

 

8.    “Domma itongos haluahon bani bangsa-Ni, ipatotap do padan-Ni ronsi sadokah ni dokahni, na pansing janah majombut do goran-Ni.” (Psalmen 111:9) 

 

9.    “Hupuji ma Ham halani ibalosi Ham do ahu, anjaha Ham do gabe haluahon bangku.” (Psalmen 118:21) 

 

10. “Tonggor ma, Naibata do haluahon bangku, tenger do uhurhu anjaha seng mabiar ahu; ai Tuhan Jahowa do gogohku pakon dodingku, anjaha Ia do gabe hatuahon bangku.” (Jesaya 12:2)

 

11. “Domma Huboan hundohor hapintoron-Ku, seng be daoh, anjaha haluahon na hun Bangku seng dokah be. Bereon-Ku do haluahon bani Sion, ampa hamuliaon-Ku bani Israel.” (Jesaya 46:13) 

 

12. “Domma dohor hapintoron-Ku, domma bingkat haluahon na hun Bangku; tangan-Ku do na manguhum bangsa-bangsa; Bangku do martenger ni uhur sagala pulou, anjaha bani tangan-Ku do sidea marpangarapan.” Amen. (Jesaya 51:5)

 

 2.    Liturgi Paduahon pasal Manggoluh ibagas Hadoharon            (GKPS T. KANAAN)

P.   Lang pitah haluahon na pinadasni Naibata hubani jolma in. Paridop ni uhur do Naibata, ase rosuh do uhurNi mangidah jolma in manggoluh ibagas hadoharon. Jolma na manjalo haluahon humbani Naibata, manggoluh do homa ibagas hadoharon. Sirsir ma hita pataridahkon hadoharon i tongah-tongah ni pargoluhanta. 

 

1.         “Hadoharon ampa habayakon do manggoki rumahni, anjaha hapintoronni totap do ronsi sadokah ni dokahni.” (Psalmen 112:3) 

 

2.         “Hamagouan do na mardakdak pardousa, tapi hadoharon do upah bani halak parpintor.” (Podah 13:21) 

 

3.         “Anjaha haganup anakmu gabe susian ni Jahowa, anjaha banggal do hadoharon ni niombahmu.” (Jesaya 54:13) 

 

4.         “Ai sonon do hata ni Jahowa, “Tonggor ma, Ahu patuduhkon hadoharon bani, songon bah mardalan bueini, ampa habayakon ni bangsa parbegu, songon binanga na marbanggal; minum ma hanima, abing-abingonni do hanima anjaha titeng-titengonni.” (Jesaya 66:12) 

 

5.         “Porluhon hanima ma hadoharon ni huta pambuangan-Ku bannima, anjaha apiti hanima ma sidea i lobei ni Jahowa, ai ibagas hadoharon ni sidea ai dihut do hanima mardohar.” (Jeremia 29:7) 

 

6.         “Tonggor ma, parohon-Ku do hajorgiton ampa hamalumon bani huta on; pamalumon-Ku do sidea anjaha patalaronku do bani sidea hadoharon ampa hadameion na manongtong.” Amen. (Jeremia 33:6) . 

3.    Liturgi Patoluhon pasal Manggoluh ibagas Hadameion  ( GKPS T. KANAAN)

P.   Jolma na mardohar do na boi manggoluh ibagas hadameion. Jolma na mardamei do na boi manggoluh ibagas hadoharon. Hadoharon pakon hadameion lang tarpasirangkon. Haduasi ai ijalo hita do humbani Tuhanta. Ia do na parrohkon hadameion banta, ase manggoluh ma hita ibagas dameiNi.

 

1.         “Halani ai hatahon ma, ʻTonggor ma, bereon-Ku ma bani padan hadameion-Ku.ʼ” (4 Musa 25:12) 

 

2.         “tapi na lamlam maruhur do sitean tanoh in, anjaha hamalaskonon ni uhur ni sidea do hadameion na gok.” (Psalmen 37:11)

  

3.         “Sai pardiatei ma habujuron anjaha horjahon na pintor, sai hadameion do dobni bani halak sisonai.” (Psalmen 37:37) 

 

4.         “Sai tangihononku do atap aha na hinatahon ni Naibata Jahowa, ai hadameion do hata-Ni dompak bangsa-Ni pakon bani na hinaholongan-Ni, asal ma ulang mulak sidea bani haotoon.” (Psalmen 85:9) 

 

5.         “Hapintoron do mardalan i lobei-Ni, anjaha hadameion mangirikkon langkah-langkah-Ni.” (Psalmen 85:14) 

 

6.         “Jadi marianan ma bangsangku bani ianan hadameion, bani ianan na sonang, ampa ianan parsaranan na minop.” (Jesaya 32:18) 

 

7.         “Ahu do Jahowa, seng dong na legan, na manjadihon haliharon anjaha na mangadongkon na golap, na mambahen hadameion ampa na mangadongkon hamagouan. Ahu do Jahowa sibahen haganupan ai.” (Jesaya 45:6-7) 

 

8.         “Ai ibagas malas ni uhur do hanima luar anjaha ibagas hadameion itogu-togu. Dolog-dolog ampa buntu-buntu marolob-olob i lobeinima, anjaha sagala hayu na i talun martopap-topap.” Amen. (Jesaya 55:12).

 

4.    Liturgi Paompatkon pasal Partubuh ni Tuhan Jesus                     ( GKPS JAMBI )

P                Tangkas do isuratkon ibagas Bibelta pasal barita Partubuh ni Jesus Kristus in. Si Josep, ipakai Naibata do ia gabe hiteiNi laho pasaudkon bagah-bagah haluahon in. Tapi lang lanjar urah homa ijalo si Josep dalan na mandear in. Sonaha do  paruhuran ni si Josep dob itangar barita na banggal in.

 

1.         Ia partubuh ni Jesus Kristus, sonon do: Sanggah tunangan ni si Josep ope inangni, si Maria ai, boratan rumah do ia humbani Tonduy Na Pansing, sanggah lape marsidohoran sidea. Ia si Josep, paramangonni ai, paruhur na pintor do, anjaha seng sihol uhurni laho pabadorhonsi, gabe tubuh ma uhurni manirangkonsi sip-sip. 

 

2.         Tapi sanggah sonai ope sura-sura ni uhurni, ididah ma ibagas nipini malekat ni Tuhan in, na mangkatahon hu bani, “O Josep, anak ni si Daud, ulang ma mabiar ho mangalop si Maria gabe parinangonmu, ai na adong bani ai, ai ma na humbani Tonduy Na Pansing. 

 

3.         Tubuhan Anak ma ia, anjaha bahen ma goran-Ni Jesus, ai paluahon-Ni do bangsa-Ni humbani dousa ni sidea. Masa pe haganupan ai, ase jumpah do na hinatahon ni Tuhan in marhitei nabi-Ni, na mangkatahon, 

 

4.         ʻTonggor ma, boratan rumah ma sada anak boru, anjaha tubuhan anak, anjaha bahenonni ma goranni Immanuel, artini: Hasomanta do Naibata.ʼ” Jadi dob puho si Josep, idalankon ma songon na hinatahon ni malekat ai bani, saud ma ialop parinangonni ai. Tapi seng idohori ia, paima tubuh anak bunga tubuhni ai, anjaha igoran ma Ia Jesus. Amen.  

 

5.    Liturgi Palimahon pasal Manggoluh ibagas Hapintoron ampa Hasintongan

( GKPS Pers. SIMP. RAMBUTAN nomor 1 - 7 )

P.   Marhitei partubuh ni Tuhan Jesus, gabe manggoluh ma hita ibagas hapintoron ampa hasintongan. Seksi Bapa GKPS gabe salah sada badan pelayanan ni GKPS na mambaritahon pasal hapintoron ampa hasintongan na humbani Tuhan in. Gabe bapa na pintor janah sintong, ai ma padan na binahenta marhitei pesta Natal sadari on. Ia hapintoron pakon hasintongan in, na humbani Tuhan in do ijalo hita. 

 

1.         “Maningon hapintoron, pitah hapintoron do parayakonmu, ase manggoluh ham anjaha teanonmu tanoh, na sihol bereon ni Jahowa Naibatamu bamu.” (5 Musa 16:20) 

 

2.         “Arta na maharga pakon minak, adong do i rumah ni halak na maruhur, tapi halak na bodoh mintor do iparbois-bois. Halak siparayak hapintoron pakon habasaron, dapotan hagoluhan ampa hamuliaon do.” (Podah 21:20-21) 

 

3.         “Danak do ahu sapari, domma matua sonari, tapi seng ongga huidah tartading halak parpintor, anjaha mangindo-indo sipanganon ginomparni.” (Psalmen 37 : 25) 

 

4.         “Idop ni uhur pakon hasintongan sai pajumpah do, anjaha hapintoron pakon hadameion marsisummahan. Hasintongan martumbor hun tanoh, anjaha hapintoron manatap hun atas langit.” (Psalmen 85:11-12) 

 

5.         “Jahowa, na mambahen hapintoron, anjaha na pasintongkon uhum bani halak na hona dorun, Ia do na pabotohkon dalan-Ni bani si Musa, hubani anak ni Israel pambahenan-Ni.” (Psalmen 103:6-7)

  

6.         “Hasintongan pakon hapintoron do pambahenan ni tangan-Ni, tarhatengerhon do sagala titah-Ni; totap do ai ronsi sadokah ni dokahni, sidalankonon ibagas hasintongan ampa hapintoron.” (Psalmen 111:7-8) 

 

7.         “Hapintoron do gondit ni binongeini, anjaha hasintongan do bonting ni angkulani.” (Jesaya 11:5)

 

5.   Liturgi Palimahon pasal Manggoluh ibagas Hapintoron ampa Hasintongan

       (  BAYUNG LENCIR hubani  Nomor 8 – 12) 

 

8.         “Paboa bereon-Ni do hu banta, ase hita, dob marhaluahon humbani tangan ni munsuhta, seng marhabiaran boi marugas i lobei-Ni, ibagas hapansingon ampa hapintoron, sadokah hita manggoluh.” (Lukas 1:74-75)

 

 

9.         “Tapi sonari domma torang hapintoron ni Naibata, sedo hun bani titah, songon sinaksihon ni titah in ampa nabi-nabi, ai ma hapintoron ni Naibata, na das marhitei haporsayaon bani Jesus Kristus hubani haganup na porsaya.” (Rom 3:21-22) 

 

10.      Gabe daging ma Hata in anjaha marianan i tongah-tongahta; jadi ididah hanami ma hasangapon-Ni songon hasangapon ni Anak Sasada na humbani Bapa in, gok idop ni uhur ampa hasintongan.  (Yohanes 1 : 14)

 

11.      Haringgaskon ma patuduhkon, paboa na bujur ham i lobei ni Naibata, songon sada parhorja na so tarbador, na padalankon hata hasintongan in pintor-pintor. (2 Timoteus 2 : 15).

  

12.      Martuah do halak parpintor, sonang do ia; tongon, panganonni do buah ni na hinorjahonni. (Jesaya 3 : 10).  Amen .