Puisi Pesta Minggu Inang GKPS Ke 68 Tahun 2026 "HASABARON MARSABING TONGGO"

Oleh: Vik.Pdt.Resnita Tiurlina Purba, S.Th

Inang....

Anggo huidah ma manringut bohimu

Aha ma nani na masa? Janah aha ma nani na ipikirhon ham?

Inang ..

Ra do sipata ham sip mamonopkon ai haganupan

Janah lang ra ham mambahen maseda uhurni niombah halani ganup sipikirhonon

Bani sirommu hujumpahkon do rumah

Bani podahmu hujumpahkon rumbak ni pargoluhan on

Inang...

Age pe nanget langkahmu, tapi holongmu parlobei do das

Ihorom ham do haganup halojaonmu, 

ase hulajou gabe niombah na marpangarusion janah bujur

Inang...

Seng idompakhon ham gilumbang haba-haba marhitei suara na gogoh

Tapi manrogop do ham bani dasor na borgoh 

lanjar manobut goranni niombahmu bani na bulus

Sanggah rebad langkahku, jongjong do ham i lambungku

Itogu ham do au bani haporsayaon ampa pangarapan na gok

Age pe iuhumi dunia on ahu, tapi tonggomu totap do tondok ibagas diriku 

In ma na manggantari au bani ganup langkahku

Inang...

Iampeihon Tuhan in do holong-Ni bani tanganmu na etek

Marhitei iluh na mambur manghusipkon ganupan in ibagas tonggo

Jojor do hinaholonganmu isobut ham marsada-sada

Ase Tuhan ma na  manramotkon haganup niombahmu

Inang...

Torus do mardalan tonggomu age tingki lungunan ham

Ai borat pe pargoluhan on, tapi maningon mardalan do in riap pakon panorang

Tonggomu in ma na paliharhon dalan na mamboai au mulak

Sanggah na tartolsu au, tonggomu do manuktuk labah ni surga

Ase ipargogohi Tuhan Naibata use au

Inang...

Ibere ham do holongmu ibagas pengorbanan na bulus

Pamalum ugah marhitei hasabaronmu

Holongmu lang pitah ibagas hata,

 Sirommu mambahen damei na so marpunsa

Tarimakasih ma bamu Inang, bani holong na lang mangindo balas

Bani tonggo na lang ongga manronti 

Bani hapongkuton na ibahen ham ase orod hanami hubani Tuhan

Age ronsi matua pe ham

Tapi anggo tonggomu totap do marian ibagas goluhku

Podahmu do na gabe tungkot manogu-nogu au ase totap bani dalanni Tuhan

Tarimakasih ma inang....

Ganjang ma umurmu janah totap ma ham marmalas ni uhur

Amen

BERITA LAINNYA