Statistik dan Barita Kuria GKPS Jambi 2014

Statistik dan Barita Kuria GKPS Jambi 2014

A.     Pengantar

Diatei tupa ma hatahononta bani Tuhan Naibata halani banggal ni pasu-pasu janah holong ni ateini boi hita mandalani tahun 2014 on. Sonari das ma hita bani ujung ni tahun 2014 on. Boi hita das bani ujung ni tahun, sedo halani gogoh ta, tapi pitah halani pangkasomanion ni Tuhan ta do. Halani ai patut mas hatahononta tarima kasih bani Tuhanta.

Domu bani na dob marpunsa ma pangidangion ni Kurianta bani tahun on, bani panorang on ipadas hanami secara singkat statistik (data) Kurianta, pardalanan ni pangidangion pakon keuangan ni Kurianta manipat sathun on.

B.     Statistik Kuria

Domu bani na marpunsa ma tahun 2014 on, ijon ipatorang  hanami (secara singkat) pardalanan ni Kurianta ibagas tahun 2014 on. Naparlobei ma ai statistik ni Kurianta.

1.      Pagori Ni Kuria

Jumlah Pagori ni Kurianta GKPS Kotabaru Jambi das bani Rabu, 31 Desember 2014 bahatni : 178 rumah tangga (735 halak). Jumlah rumah tangga banggal 161 rumah tangga; rumah tangga etek 17 rumah tangga. Tahun 2013 jumlah Pagori Kurianta bahatni 173 rumah tangga ( 682 halak).

2.      Pagori ni Kurianta na tambah (pindah hun Kuria na legan) tahun 2014 bahatni 10 rumah tangga (31 halak).

3.      Namarhajabuan bani Kurianta tahun 2014 bahatni 5 rumah tangga. Masuk hu Kurianta dobkonsi marhajabuan bahatni 4 rumah tangga (8 halak). Pindah hu Kuria na legan dobkonsi marhajabuan sda rumah tangga (2 halak).

4.      Dakdanak tubuh bani Kurianta tahun 2014 bahatni 10 halak; 10 halak dalahi, 6 halak naboru 4 halak.

5.      Niombah ni Kurianta na manjalo pandidion Na Pansing 2014 bahatni 11 halak. Dakdanak na tardidi i luar i GKPS Kotabaru Jambi sahalak.  Natardidi Magodang bani Kurianta sahalak dalahi. Pandidion bani Kurianta ipamasa dua hali. 

6.      Namanaksihon bani Kurianta tahun 2014 bahatni 5 halak. 3 halak dalahi 2 halak naboru. Manaksihon haporsayaon ipamasa 2 hali.

7.      Pagori ni kurianta na marujung goluh 3 halak, dua halak dalahi, sahalak naboru.

C.     Ibadah

Peribadahan/Kebaktian bani Kurianta satahun on dear do mardalan, aima Kebaktian Minggu, Kebaktian Gabungan, Kebaktian Khusus, Pesta Kuria (Seksi-seksi & HUT ke-31 GKPS Jambi), Jumat Agung, Paskah, Olob-olob 111 Tahun Kuria, Natal, Tahun Baru, Ujung Tahun Kuria pakon Partonggoan.

Tahun 2014 aima Tahun Kesetiakawanan Bani GKPS. Thema ni Peribadahan/Kebaktian/Kegiatan ni Kurianta Tahun 2014 aima Thema ni GKPS : “Hita Do Saksi Ni Kristus”. (Lahoan Ni Apostel 1 : 8).

Sub Thema : “Pataridahkon Hita ma Goluh na Marsiurupan pakon na Sapangahapan i Tongah-tongah ni Keluarga, Gareja ampa Masyarakat”. (Galatia 6:2). Tahun 2014 aima Tahun Kesetiakawanan GKPS.

1.      Kebaktian Minggu

Kebaktian Minggu bani Kurianta bani tahun 2014 ipamasa 87 hali. Kebaktian Minggu pagi 44 hali. Rata – rata na roh minggu pagi 131 halak. Kebaktian siang 43 hali. Rata – rata na roh minggu siang 74 halak. Kebaktian Minggu Gabungan (Pesta) 10 hali, kebaktian khusus i luar kebaktian ari minggu bahatni 9 hali. Pesta HUT ke-31 Tahun GKPS Jambi ilaksanahon bani Minggu, 27 April 2014.

2.      Synode Jemaat

Synode Jemaat Kurianta ipamasa dua hali. Synode Jemaat I, mambahas Laporan Kerja/Pangidangion pakon Keuangan GKPS Jambi 2013 aima bani ari Minggu, 23 Maret 2014, na roh Synode Jemaat 59 halak. Synode Jemaat II mambahas Rencana Kerja/Pangidangion ampa Belanja GKPS Jambi 2015 ipamasa ari Minggu, 7 Desember 2014. Na roh bani Synode Jemaat bahatni 73 halak.

3.      Rapat Majelis

Rapat lengkap Majelis Jemaat, Pengurus Seksi, Pengurus Sektor Kurianta ipamasa dua hali. Naparlobei, aima bani Jumat, 21 Maret 2014 (majelis na roh rapat 37 halak), napaduahon, Rapat Majelis, Sabtu, 29 November 2014 (roh rapat 30 halak). Rapat Majelis ai padomu pakon Pembinaan Majelis Jemaat.

4.      Sermon Majelis

Sermon majelis ipamasa 37 hali. Majelis na roh sermon rata-rata 30 halak.

D.     Partonggoan

            Partonggoan Gabungan Kurianta ipamasa dua hali, aima Partonggoan pamungkah, Kamis, 20 Februari 2014. Na roh bani Partonggoan pamungkah 66 halak. Partonggoan Panutup ipamasa ari Kamis, 6 November 2014, na roh partonggoan bahatni 74 halak.

            Partonggoan Sektor bani Kurianta ipamasa 113 hali. Partonggoan Sektor Filippi : 33 hali. (rata-rata roh 31 halak); Sektor Korintus : 30 hali (rata-rata roh 30 halak); Sektor Epesus : 34 hali (rata-rata roh 30 halak): Sektor Teslonika : 16 hali (rata-rata roh 24 halak). Partonggoan pakon HBN Majelis sahali, aima bani ari Jumat, 7 Februari  2014 (na roh  78 halak). Partonggoan Pangapohon : 13 hali. Partonggoan Malas Uhur: 4 hali.

E.      HBN.

        HBN bani Kurianta ipamasa 2 hali, aima bani Jumat, 18 April 2014 pakon Kamis, 25 Desember 2014. Na roh HBN rata-rata 272 halak.

F.      Vikar

Mamungkah ari Jumat, 12 Januari 2014, itugaskon pimpinan pusat GKPS do sahalak Vikar bani Kurianta/GKPS Resort Jambi janah tading (marianan) i rumah ni Keluarga Panditanta, aima Vikar Pdt Parulihan Sipayung STh.

G.     Kegiatan GKPS

Domu bani Kegiatan GKPS Pusat, Distrik VI pakon GKPS Resort Jambi, Kurianta pe dihut do homa berpartisipasi. Domu bani Tahun Kesetiakawanan GKPS 2014, Kurianta mandalankon Tahun Kesetiakawanan GKPS. Domu hujai iapamasa do  piga – piga aksi kesetiakawanan sosial hubani lansia, namabalu, tading maetek. Ibahen hurianta do homa panggalangan khusus hu lobei bahen haporluan program tahun  kesetiakawanan GKPS aima bani ari Minggu, 9 Februari 2014.

Domu bani Pesta Olob-olob 111 Tahun Pardasni Ambilan Na Madear i Simalungun, 2 September 2014, Kurianta mambahen Kebaktian Olob – olob Jemaat, ari Minggu, 10 Agustus 2014 pakon mandihuti Perayaan Pesta Olob-olob 111 Tahun Pardasni Ambilan Na Madear i Simalungun tingkat GKPS Resort Jambi, Minggu, 28 September 2014.

H.     Rapat Majelis

Rapat Majelis Jemaat pakon Pengurus Seksi, Pengurus Sektor, BDS Kurianta bani 2014 ipamasa dua hali. Rapat Majelis na parlobei aima bani ari Jumat, 21 Januari 2014 mambahas draft/rancangan Laporan Kerja/Pangidangion pakon Keuangan GKPS Jambi 2013. Rapat Majelis napaduahon ipamasa ari Sabtu, 29 November 2014 mambahas draf atap rancangan Rencana Kerja/Pangidangion ampa Belanja GKPS Jambi 2015.

I.        Daya dan Sarana

a.       Daya.

Parhorja Kurian namangidangi bani Kurianta tahun 2014 bahanti 54 halak; Sahalak Pandita (Fulltimer); sahalak Vikar; 16 halak Sintua (Dalahi 10 halak, naboru 6 halak); 31 halak Syamas (dalahi 22 halak, naboru 9 halak); 2 halak Ketua Seksi (Ketua Seksi Wanita pakon Ketua Seksi Pemuda), pakon 4 halak Sintua na dob purnabakti. Mamungkah Minggu, 27 April 2014 gabe Parhorja Kurianta do Inang St EN Br Sumbayak (pindah hun GKPS Purwakarta).

 Sarana

Bani tahun 2014 ipadear/itambah do sarana ni Kurianta, aima sada unit sepeda motor untuk kendaraanni Vikar, penambahan kipas angin i bagas Gareja, pemasangan AC i gedung sikolah minggu, pemasangan jendela pakon teralis gedung sikolah minggu, pemasangan konblok alaman gedung sikolah miggu, perbaikan listrik pakon lampu taman, pemasangan saringan air bersih pakon na legan.

J.       Panutup

Sibar sonon ma lobei statistik pakon barita ni Kurianta secara singkat ipadas hanami bani panorang on. Laporan Kegiatan Kurianta secara lengkap ipadas Hanami holi bani Synode Jemaat I Tahun 2015. Tarima kasih ma.

K.     Laporan Parduiton (Bendahara)

Jambi, 31 Desember 2014

                          Pimpinan Majelis Jemaat GKPS Jambi,

    Pengantar Jemaat,                                       Sekretaris Jemaat,

St Drs GM Saragih MSi                                    St Radesman Saragih