Anjab-anjab: OLOB-OLOB NA MARTANGKUPAS

Oleh: Pdt. John Christian Saragih, S.Th., M.Sc. (Ephorus GKPS) 

Ibagi malas ni uhur imasuki hita bulan Agustus tahun 2026 marhitei tema bulanan GKPS: Mardeka ibagas Tuhan Naibata. Negara Kesatuan Republik Indonesia (NKRI) pe pasti do mangolobkon bulan kemerdekaan on marhitei bagei perayaan-perayaan pakon horja na monumental.

Domma homa ibuhul Pemerintah na gabe tema resmi peringatan Hari Ulang Tahun (HUT) Republik Indonesia na pa-ualuh puluh sadahon (81) aima “Indonesia Berdaulat, Adil, dan Makmur”. 

Tema on aima hataridahanni cita-cita besar bangsa Indonesia dalam melanjutkan perjuangan kemerdekaan. Halani ai pasti do gabe sipardihut hita haganupan warga GKPS bani na mangolobkon na dob 81 tahun Indonesia Merdeka.

Semangat mardeka bani hita GKPS taridah do homa bani bulan on marhitei na mamestahon Olob-Olob kuria pakon Minggu pelayanan hubani na Mabalu, Tading Maetek pakon Difabel. 

Pesta Olob-Olob aima sada pesta na maharga (perayaan yang paling khas dalam kehidupan Gereja Kristen Protestan Simalungun). Hata “olob-olob” bani Kamus Simalungun- Indonesia ialimhon do: kegembiraan, riang gembira, sukaria, marpesta – berpesta riang gembira secara beramai-ramai.

Halani ai ibagas na imasuki hita Olob-olob kuria tahun 2026 on gabe talar ma tongon hubanta aima:

1. Martarimakasih anjaha marolob-olob marhitei idop ni uhur na humbani Naibata na dob padaskon Ambilan na Madear (Injil) na dob pabayuhon pakon mambobai hita hubani hagoluhan na ipasirsir Naibata.

2. Mardingat haganup horja pakon buah ni Ambilan na Madear na dob ipungkah padaskon Ambilan na Madear na ipungkah Pdt. August Theis pakon buei missionaris, sonai homa na mamboban Ambilan na Madear das hubani kurianta marsada-sada.

3. Pabayuhon pakon mambahen totap gara semangat mambaritahon Ambilan na Madear na ibagasan na atur mamungkah humbani keluarga, kuria, sonai homa sa GKPS.

4. Pataridahkon identitas ni GKPS aima gareja na ipungkah humbani na mambaritahon Ambilan na Madear (GKPS adalah Gereja yang lahir dari Pemberitaan Injil).

5. Mambahen totap gara semangat “mewariskan iman” hubani generasi na mangihut di kuria marhitei napatorangkon kuasa ni Hata ni Naibata marhitei "sejarah Injil di Simalungun". 

Haganupan in marhataridahan ma tongon na idalankon hita torus partonggoan parjumat na paopatkon sonai homa marhitei na idalankon hita Minggu pelayanan hubani na Mabalu, Tading Maetek pakon Difabel. Pos uhur hubani kuria GKPS, dear ma homa iaturhon haganup hubani na Mabalu, Tading Maetek pakon Difabel.

Das ma homa hubani haganup sidea olob-olob pakon sumangat mardeka ibagas Tuhan.

Marhitei na manghagoluhkon olob-olob semangat hamardekaon, gara ma homa hita mangolobkon martangkupas banta. Halani ai bobai hita na kuria in mangolobkon Ambilan na Madear, martangkupas ibagas buei horja marhasada, ampa mangidangi.

Olob-olob na martangkupas aima galangan malas ni uhur na gabe bagianni parsombahon (ibadah), hataridahanni haporsayaon, pangkuon bani Naibata do bona pakon harorohan ni buei pasu-pasu na dob ijalo pakon na sihol ipaondos Naibata hubanta, anjaha haganupan in ipakeihon hita laho horja pakon harosuhni Tuhan marhitei kuriani. Salam Olob-olob na martangkupas. (Disadur Dari Buletin AB GKPS Edisi 624 Agustus 2026)

Sampul Buletin AB GKPS Edisi 624 Agustus 2026.