 |
I. PERSIAPAN KEBAKTIAN
• Mangalo-alo Kuria na roh hu Gereja
• Prosesi Kebaktian. Sipangidangi, PMJ, Panitia, Martonggo i Konsistori Gereja.
Mandoding Hal. No. 414 : 1 – 2 + 5 “ Eta Nasiam”
Eta nasiam ! Eta nasiam!
Misir hita hu gareja laho marminggu
Sihol manangar ambilan hata ni Tuhan. Eta nasiam!
Roh ma Nasiam! Roh ma nasiam!
Halilian mambaen kahoi ulang tangihon
Dearan ma na marminggu sai porluhon, roh ma nasiam!
Jolom poltik! Jolom poltik!
Dilo-dilo ni Tuhanta ulang lanseihon
Ulang ganggang hun tanganta be haluahon, jolom poltik!
II. KEBAKTIAN
1. Votum – Introitus - Tonggo
P Riap ma hita jongjong. Ibagas Goran ni Naibata Bapa pakon Tuhan Jesus Kristus ampa Tonduy Na Pansing, Sitompa langit pakon tanoh on. Amen.
Songon dakdanak na baru tubuh, horahan ma nasiam bani tadah partonduyon na pitah, Ase lambin magodang nasiam halani ai anjaha maluah,
K Anggo tongon ma domma idai nasiam dear layak ni Tuhan in.
P Hu Bani ma nasiam roh, batu na manggoluh in, na niambukkon ni jolma tongon, tapi na pinilih anjaha na marharga bani Naibata. Haleluya
K (Mandodingkon) Haleluya, Haleluya, Haleluya.
P Martonggo ma hita. Ham Tuhan Naibata Bapanami na i nagori atas. Tarima kasih pakon puji-pujian ma isombahkon hanami hu Bamu, halani tongtong do ibere Ham bannami Hata-Mu na gabe hagoluhannami. Maidop ma uhur-Mu, Tonduy-Mu Na Pansing in ma mampargogohi hanami laho manjalo pakon mangkagoluhkon hata-Mu in. Songon dakdanak na baru tubuh na horahan bani tadah, sonai ma hanami horahan bani tadah ni tonduy na pitah, ase lambin idaihon hanami dear ni layak-Mu, janah sintong haporsayaonnami hu Bamu, tarlobih ibagas na mangkamalaskon pasu-pasu bani na dob 42 tahun jongjong GKPS Jambi on. Ibagas goran ni Anak-Mu Jesus Kristus Tuhannami. Amen
2. Mandoding Hal. No. 408 : 1 – 2
Haleluya puji ma Tuhan, pasangap marhiteihon gondrang na laingan
Irandu pakon inggou na lurlur homa tangaron
Dodingkon ma doding na baru, Puji ma Ia bai hotakNi na ibabou
Janah olobkon ma riap marmalas uhur.
Sai tarbarita baen goran-Ni, Gok halongangan ganup jadi-jadian-Ni
Puji Tuhan Haleluya!
Marmegah gok tarima kasih, Halani ganup pasu-pasu ‘ge layak-Ni
Hubanta na totap sirsir tong mambalosi.
Tunggung tumang do tong Tuhanta, Ia do Raja ni ganup sagala raja
Ningon hu Bani do unduk ganup marsombah
Sai tarbarita baen goran-Ni , gok halongangan ganup jadi-jadian-Ni
Puji Tuhan Haleluya
3. Hasasapan ni Dousa
P Riap ma hita Jongjong. Ham Tuhan Naibata Bapa nami Ibagas Jesus Kristus. Ham do simada hanami, janah Ham do sisombahon nami. Roh do hanami marsombah hubamu, na mangaku do hanami nuan ilobei-lobeiMu. Ibagas na mandalankon pargoluhan nami, gati do hanami lang palobeihon harosuhMu, hotopan hanami on pitah mamingkirhon diri nami sandiri. Iakuhon hanami do namin bahasa Ham do simada goluh nami, janah iakuhon hanami do buei pasu-pasuMu ijalo hanami, tapi bani pandalankonon ni goluh on, mabiar do hanami palobeihon hataMu ibagas goluh nami. Mabiar do hanami hurangan bani pargoluhan nami on. Ham Tuhan idop ma uhur-Mu bannami.
K (Mandodingkon: “Tuhan holong ma uhur-Mu” inggou ni “Deideng”(A=do).
___ ___ ___ ___ ___ ___ ___
1 2 3 I 3 . . 0 3 I 3 . 3 3 . 3 I 2 3 2 1 2 1 1 I 1
Tu - han ho - long ma u - hur- Mu ban- na - mi
___ ___ ______
6 1 2 1 1 I 1 6 5 .
par- dou - sa on.
P O Tuhan, domma 42 tahun GKPS Jambi on gabe hitei-Mu laho mangajari hanami ase marhaporsayaon na toguh hu-Bamu. Domma buei tongon pangajaran ijalo hanami bani hasadaon nami pakon Ham ibagas GKPS Jambi on. Tapi hurang ope tanggungjawab nami laho pajongjongkon hasintongan pakon habonaran-Mu, janah hurang barani do hanami mamorsan silang, halani mabiar hanami bani risiko. Gati ope hanami mangelak bani mandalankon harosuhMu itongah-tongah pargoluhan nami. Ham Tuhan, paluah Ham ma hanami humbani uhur biar pakon gobir. Tuhan idop ma uhur-Mu bannami.
K (Mandodingkon) “Tuhan holong ma uhur-Mu”
P Tuhan, Sonari isopotkon hanami ma dousanami hulobei-Mu. Pabayu Ham ma uhur nami Kuria-Mu GKPS Jambi on. Ase marhitei na dob 42 tahun GKPS Jambi on, lambin ihagoluhkon hanami pangajaranMu ibagas goluh nami. Lambin toguh ma hanami marhasadaon ibagas hata-Mu. Bere Ham ma Tonduy Na Pansing in laho mambobai hanami. Lambin paputih Ham ma paruhuran nami, ase manggoluh tanggungjawab nami laho manaksihon hata-Mu. Ham Tuhan, idop ma uhur-Mu bannami pardousa on.
K Mandodingkon) “Tuhan holong ma uhur-Mu”
P Tangar anjaha haporsayai hita ma Hata ni Naibata, bagah-bagah pasal hasasapan ni dousa. Domma Hupasisi salahmu songon hombun, anjaha songon hombun na manorap dousamu. Mulak ma ho hu Bangku, ai Ahu do na manobus ho. (Jesaya 44:22). Ibagas holong ni Naibata, domma isasap haganup dousanta. Halani ai, pataridahkon hita ma tanda-tanda ni pargoluhon na bayu. Hasangapon ma bani Naibata i babou.
K Amen
4. Mandoding Hal. No. 236 : 1 + 3
1. Seng na tarhatahon haholongan ni, uhur ni Tuhanta bai pardousa in
Pusok do uhurni bani jolma in, na so ra unduk bani hataNi in
3. Jesus do mamorsan dousa haganup, domma igalari utangmin ganup
Domma pala matei Tuhan Jesus in, paluahkon hita humbai dousa in
5. Tonggo Tarimakasih bani Pasu-pasu ni Tuhan
P Riap ma hita Jongjong. Riap ma hita padaskon tonggo tarimakasihta hubani Tuhan, na dob mamasu-masu ampa manramotkon GKPS Jambi ronsi gok 42 tahun sadari on. Tuhan Naibata Ulu ni Gareja, matarimakasih do hanami huBamu bani haganup pambahenan ampa Holong-Mu na totap iahapkon hanami, sirsir do Ham mamasu-masu pardalanan ni GKPS Jambi ronsi sadari on.
K Banggal Tumang do Holong-Mu Tuhan, mamasu-masu GKPS Jambi. Idop ni uhur-Mu lang tarbilangi ronsi panorang on.
P Matarimakasih do hanami, GKPS Jambi gok umur ni 42 tahun janah sirsir do Ham hadir bani haganup Pergumulan ampa tantangan na idompakkon GKPS Jambi age ibagas malas ni uhur ampa pusok ni uhur. Lang paturuton-Mu GKPS Jambi mardalan ibagas dirini sandiri.
K Tarimakasih ma bamu Tuhan, na dob mangkasomani ampa mampargogohi hanami kuria-Mu.
P Pujion nami do tongtong goran-Mu Tuhan, halani domma iajari Ham hanami manggoluh ibagas hadearon ampa hasadaon,. Ipargogohi Ham do hanami gabe Gereja na sari ampa gabe pasu-pasu.
K Tarpuji ma Ham Tuhan, na dob marhorja marhitei GKPS Jambi.
P Tarimakasih ma bamu Tuhan, anggo ronsi sadari on buei do Kuria-Mu in sirsir gabe sipangidangi i GKPS Jambi on. Pasu-pasu Ham ma haganup Juak-juak-Mu na pongkut mandalankon pandiloon-Mu. Pasu-pasu Ham ma haganup Kuria-Mu na tongtong ringgas roh hu rumah panumbahan-Mu i GKPS Jambi on.
P+K Tarimakasih ma bamu Tuhan, on ma hanami Kuria –Mu GKPS Jambi, pasu-pasu janah tumpaki Ham goluh nami. Roh do hanami marsombah janah martarimakasih. Ajari Ham hanami ase Kuria GKPS Jambi on lambin surung ibagas Pamujion ampa Pambahenan. Amen
6. Mandoding Hal. No. 132 : 2 – 3
2. Tarima kasih ma Bamu o Naibata parlayak Ham!
Sibahen dalan in marhitei Jesus in hu surga in.
3. Andohar ma holong ateihu sai tongtong bujur Bamu.
Age huja pe au sai hasomani au, sonang tumang.
7. Hata Haporsayaon
P Riap ma hita jongjong! Saksihon hita ma haporsayaonta in, songon na sinaksihon ni haganup halak na porsaya bani sab tanoh on!
8. Acara Khusus
a. Emiritus Sintua (St RE Br Girsang, St L Br Manik, St Salmen Purba)
b. Mangondoskon Tanda Tarimakasih Hubani PMJ Periode 2020-2025
c. Galangan Doding Seksi-seksi Bani HUT GKPS Jambi pa 42 Tahun
- Seksi Sekolah Minggu
- Seksi Namaposo
- Seksi Inang Sektor Efesus
- Seksi Inang
- Seksi Bapa
d. Tingting Kuria – Tonggo Pangapition
9. Mandoding Hal. No. 223 : 1 – 3
1. Domma das bai hita on hata hagoluhan;
Na pasonang sai tongtong uhur pardousa on.
Anggo jinaloni in gabe na porsaya
Bai Tuhanta Jesus in na mangusir dousa
2. Halanin napuji ma goran ni Tuhanta,
Sai pasangap Naibata, pamalas uhurta
Mamestahon ari on, ari pardingatan
Bai layak-Ni na tongtong lang marparsaranan.
3. Ham, o Tuhan Naibata, Ham pujionnami;
On pe harosuhkon ma ganup dodingnami.
Sangap ma bai goran-Mu ampa Tuhan Jesus,
Sipanogu -nogu in bai harajaon- Mu.
10. Ambilan:
11. Galangan – Tonggo pakon Doding Galangan.
12. Tonggo Panutup – Paingkatkon.
13. Pasu – Pasu.
III. ACARA ULANG TAHUN 42 Tahun GKPS JAMBI – PANITIA
**************
1.Pemotongan Kue Ulang Tahun
2.Acara Perayaan di Gedung Serbaguna
-Makan Siang Bersama
-Manortor
-Hiburan Talent Jemaat GKPS Jambi.
Posting Komentar