Undangan Perayaan Natal Seksi Bapa GKPS Jemaat Jambi 19 Desember 2021

By: Asenk Lee Saragih

JAMBI-Pengurus Seksi Bapa GKPS Jemaat Jambi dan Panitia Perayaan Natal Seksi Bapa GKPS Jambi Tahun 2021 mengundang seluruh anggota Seksi Bapa GKPS Jambi untuk hadir pada Perayaan Natal Seksi Bapa GKPS Jambi yang akan dilaksanakan, Minggu 19 Desember 2021 Pukul 17.00 WIB hingga Pukul 22.00 WIB.

Sipartugas

-Kotbah (Renungan Natal): Pdt FD Malau STh

-Votum Agenda: St Radesman Saragih S Sos

-Doding: St A Dabukke

-Tonggo Syafaat: St Meslan Saragih SH

-Galangan: Pengurus Seksi Bapa GKPS Jemaat Jambi (Perwakilan Sektor)

-Piket: Bp Herman Sitopu, S Purba, Bp Jaya Purba

-Organis: St Friston R Sinaga SPd

-Singers: Bp H Mangunsong, Sy HE Saragih SPd

-Pengiring Pujian: Raja Purba

  

Pagara Lilin

1. Siparambilan (Pdt FD Malau STh)

2. Ketua PHMJ GKPS Jambi-St Awal JD Damanik

3. Mewakili Pengurus GKPS Resort Jambi-St TI Dabukke

4. Mewakili Pengurus Bapa Jemaat GKPS Jambi (Bp Hendrikson Purba SH)

5. Mewakili Pengurus Bapa GKPS Resort Jambi-St JW Saragih

6. Pembimbing Seksi Bapa GKPS Jemaat Jambi-St Meslan Saragih SH

7. Ketua Panitia-Bp Oka Abraham Purba SP

8. Mewakili Anggota Seksi Bapa GKPS Jambi-St A Purba

Koordinator 

-Seksi Ibadah: Bp Filmon Lingga SPd.

-Seksi Varia Natal: Bp Juli Hendrick Sinaga 

-Seksi Konsumsi dan Perlengkapan: Sy HE Saragih SPd dan Sy R Saragih

-Seksi Keamanan: Bp Firman Saragih, Bp Jhon Sinaga.

LITURGI I SITUASIONAL: “KUASA NI TUHAN”

Prolog : St J Sitopu

 Liturgi I

1. St Awal J Damanik MM

2.St R Damanik SH

3. St JH KarokaroSP

4. BP Hendrikson Purba SH

5. St TI Dabukke SE

6. St JB Sitopu

7. St DJ Girsang

8. Bp J Sidauruk (J. Saragih (Op.Nisi Diel)

 LITURGI NATAL SEKSI BAPA GKPS 2021 

LITURGI I SITUASIONAL: “KUASA NI TUHAN” 

Prolog : Naibata do simada kuasa sigijangan janah lang adong kuasa na mangatasi kuasa-Ni. Haganup na tinompa tunduk do hu Bani , janah mangihut do bani ganup na tinotapkon-Ni. Ia do na manompa ganup na adong i tanoh on ronsi ganup pangisini. Hita jolma selaku na tinompa ni Naibata, maningon tunduk do hu Bani. 

1.     Masa do banta bani na 2 tahun on na isobut Pandemi Covid 19, na jangin, manripaskon buei hosah. Hunjon na idah ma keterbatasan ni jolma in, na pentar, markuasa, na bayak sonai age na masombuh ronsi haganupan tene, lang lopas hunjin. 

2.     Sebalikni, lambin iakui hita do hajongjongan ni Naibata na lang taratasi age aha pe na i atas tanoh on. Marhiteihon ni ai do lambin ibotoh hita ma pasal habanggalon ni kuasa ni Naibata na lang tarbatas, age ibagas panorang Pandemi on. 

3.     Alam na jenges paingatkon hita bani habanggalon ni Tuhan in. Tapi cuaca na lang tontu gati do homa paingatkon hita pasal penyalahgunaan na gati ihorjahon jolma in. 

4.     Ipatotap Tuhan do ganup na tinompa in bahen kesinambungan ni pargoluhon ni tanoh on. Ase, totap ma ijaga anjaha iramotkon hita sagala na tinompa ni Naibata in. 

5.     Goluhta on tarbatas do janah galek tumang. Urah do hita magin janah buei do kelehamanta. Umurta pe nuan on lang songon gijang ni umur ni jolma na sapari. 

6.     Mamungkah umur 50 tahun pe domma roh parnaboriton. Ujungni goluh pardagingonta pe hamateian do. Pitah Tuhan in do na manongtong ronsi sadokah ni dokahni. 

7.     Anggo sonai, gabe sipambalosi ma hita bani Tuhan in. Ulang ma hita lolei janah gab bani tanoh on. Ai seng tarsibar hita aha na masa bani goluh on. 

8.     Tuhan do simada goluhta janah hu Bani ma hita mambobankon goluhta. Bani Tuhan Sitompa hita in ma hasangapon ronsi sadokah ni dokahni. 

LITURGI II SITUASIONAL: “HADOSAON”

Prolog : St Ir L Sipayung

Liturgi II

1. Bp F Sitanggang ( Bp Valen )

2.Bp YD Sidauruk ( Bp Tasyah )

3. Bp D Damanik

4.Bp JM Sinaga ( Bp Nadin )

5.Bp T Girsang ( Bp Tania )

6.Bp H Purba ( Bp Salomita )

7.Bp J Tamsar ( Bp Micel )

8.Bp Ryan Purba ( Bp Gion) 

LITURGI II SITUASIONAL: “HADOSAON”

Prolog :   Humbani uhur do uratni tubuh buei dosa hadagingon. Goluh na so marhondor mambahen jolma in sai lalab jajat na hurang. Hampung tumang martindak janah pondok maruhur mambahen lang jumpah na madear i tongah-tongah ni pargoluhonta. Pangkoromion pe hampung na mando. Marsahap pe urah-urah lang adong rem. Haganupan in mambahen lambin daoh ma damei ampa hasadaon ni uhur.

1.     Domdom aima uhur gigi na ihorom janah isimpan ibagas uhur. Buah ni domdom aima pambahenan na so madaear. Somal do masa tindakan kekejian, kriminal, misalni: pembunuhan, perampokan, pakon na legan. 

2.     Haganupan in ipungkah humbani uhur domdom do. Halani ai, pangkei ma hita on haganupan. Totap ma hita ibagas Kristus anjaha mangihutkon rosuh-Ni. 

3.     Panrajaion diri aima hondor, hondor na paingatkon hita ase ulang lopas humbani hasintongan ni Naibata. Tapi hotop do uhur ampa pangabakta luar humbani hondor. Ibere hita uhur ampa dirinta bani na so marguna, pitah papuas-puas hisap ni daging. 

4.     Hotop do homa hita pasomal-somalhon diri bani na masambor, in do mambahen hita lambin daoh humbani hasintongan ni Tuhan in. Ujungni, gabe lang be marpanggora uhurta age pe mandalankon dousa. 

5.     Marsipakulah-kulah, aima tindakan na pataridahkon na so romban hubani na ibagas uhur. Anggo parsahap lampot tapi uhur ampa pangabak balik do humbani na sinahapkon. 

6.     Lemes do idahon hun lobeini tapi anggo ipudini gok suga na marot na boi parsedahon. Lang dong uhur biar mandalankon hajahaton. Ponop do ganup in i pudi ni sahap na lampot janah matobu-tobu. 

7.     Marhampung ni uhur janah epes bani horja ni Tuhan, on ma na mambahen gabe langlang janah sontou horja pangidangion. Itambah ma use tindakan na mambahen porlu so porlu horja i gareja na marpangkorhon gabe lang adong be rasa memiliki pakon tanggung jawab. 

8.     Iakui hita do, lang tubuh be pangarusion na sintong pasal horja ni Tuhan, na mambahen gabe marsidalian janah mangelak ma bani horja na martuah in. 

 

LITURGI III SITUASIONAL: “PANGARAPAN”

Prolog : St Ir VM Purba 

Liturgi III

1. Bp H.Simarmata ( Pak Kevin)

2. Bp D Purba (Pak Jimmi)

3. Bp Purba br Manullang

4. Bp H. Simangunsong( Pak Dita)

5. Bp P. Purba ( Pak Rian)

6. Bp K Girsang br Nainggolan

7. Bp J Purba br Damanik ( Sunderland)

8. Bp J Purba br Simarmata (Pak Pipin) 

LITURGI III SITUASIONAL: “PANGARAPAN”

Prolog   : Buei do siparayakon bani goluh on. Bani na marayak ganup in idompakkon hita do bagei tantangan pakon parlajouan. Tapi ulang ma mintor holsohan hita, age pe hotop do lepak adang-adang humbani sibar-sibar. Porsaya ma hita sai na adong do  tong holi das ni in. Sirsir do Tuhanta manogu-nogu janah mambere gogoh hubanta. Sadokah manggoluh ope hita, totap ma marpangarapan hubani Tuhanta. 

1.     Ganup do hita on mangahapkon hasombuhon; hasombuhon halani hinadongan, adat, pakon na legan. Tapi ulang ma halani hasombuhon ai gabe mandaoh hita janah papunjung diri. 

2.     Maningon do manggoluh hita ibagas pangarapan na humbani Tuhan. Hata ni Tuhanta mangkatahon: “Seng anjai lalab hona lupahon halak na masombuh, anjaha seng lalab magou pangarapan ni halak na hona dorun” (Psalmen 9:19). 

3.     Tongtong ma hita ibagas Tuhan in janah ulang hita taruyun bani hajengeson ni tanoh on. Ia hajengeson ni tanoh on tongkin janah marnasalpu do. 

4.     Age pe lang ganup ijumpahkon hita sura-suranta, ulang ma mintor mandolei janah kahou uhurta. Hata ni Tuhanta mangkatahon: “Tonggor ma, dompak na mangkabiari-Si do mata ni Jahowa, dompak halak na marpangarapan bani idop ni uhur-Ni” (Psalmen 33:18). 

5.     Idompakkon hita pe na mahol bani pargoluhanta, sai ipargogohi Tuhan do hita mandompakkon in. Haganup na masa i atas tanoh on gabe jenges do bani panorangni anggo ibagas Tuhan in do hita mandalani in. 

6.     Hata ni Tuhanta mangkatahon: “Tapi seng pitah ai, megah do homa hita ibagas hamarsikon, ai ibotoh hita, ihorhon hamarsikon ai do hasabaron; hasabaron ai mangkorhon hatalupon, anjaha hatalupon ai mangkorhon pangarapan” (Rom 5:3-4). 

7.     Martuah ma halak na martenger ni uhur bani Jahowa, anjaha na mambahen Jahowa haporusanni. Usih do ia hubani hayu na sinuan itopi ni bah, na pajulur uratni dompak bah.

8.     Seng mabiar ia age roh na milas, anjaha tongtong do maratah bulungni; seng rusak ia bani tahun logou ni ari, anjaha seng mangadi ia marbuah (Jeremia 17:7-8). 

LITURGI IV SITUASIONAL: “PARTUBUH NI SIPALUAH”

Prolog : Ketua Seksi Bapa GKPS Jambi Bp Iramsen Garingging SH

Liturgi IV

1. Bp Andre Simanjuntak

2. Bp Robby Saragih

3. Bp Firnando Girsang

4. Bp M Manalu

5. Bp Oslan Purba

6. Bp Juni Purba

7.Bp Agus Purba (Pak Linggom)

8. Bp Aprin Girsang 

LITURGI IV SITUASIONAL: “PARTUBUH NI SIPALUAH” 

Prolog     : Kristus do Sipaluah banta janah ibagas Ia do gabe parsimada ma hita bani harajaon ni Naibata. Selaku Bapa i tongah-tongah ni kuria in, talup do hita mangahapkon arti ni partubuh ni Kristus bani goluhta, ase tubuh homa pingkiran ampa abak na baru. Partubuh ni Kristus aima sinalsal na manondangi goluhta, mambahen gabe lambin talar banta ganup na hurang, gabe tangkas janah iarusi hita sonaha patorsa-torsa goluhta ase talup hita jumpahan janah parsimada bani haluahon in. 

1.     Partubuh ni Kristus patubuhkon ahu use bani goluh na baru. Anggo na dob ni in, hurang do tanggung jawabku selaku bapa i tongah-tongah ni kuria in. 

2.     Halani ai, nuan hubere ma uhur ampa pingkiranku pararatkon harajaon ni Tuhan  marhitei horja ni Seksi Bapa i gareja. Maningon gabe siusihan do  hanami bapa bani inang sonai bani niombah. 

3.     Partubuh ni Kristus patubuhkon ahu bani pangarapan na baru. Anggo na dob ni in urah do au mandolei janah putus asa; tapi nuan hulangkahkon ma langkahku riap pakon Kristus na dob tubuh in.

4.     Pori buei pe na borat ampa parlajouan masa bani goluhku, lang anjai sangsi janah gobir be au. Kuasan ni Kristus Sipaluah in ma na gabe gogoh bangku. Ai monang do au riap pakon Ia. 

5.     Partubuh ni Kristus patubuhkon au ase tongtong manggoluh ibagas holong parsaninaon. Selaku halak Kristen, lang be pitah mansahapkon holong tapi mandalankon in do bani goluhku.

6.     Hubere ma diringku gabe sanina bani hasomanku. Hubere ma tanganku laho manogu halak na galek, mangapoh halak na marhoru ampa na pusokan uhur. 

7.     Partubuh ni Kristus patubuhkon au ase lambin toguh. Lang urah ipaoleng-oleng ganup na masa bani goluh on. Gabe saksi anjaha gabe pasu-pasu ma ahu bani buei jolma. 

8.     Marsinondang ma goluhku songon Kristus na manondangi au. Gabe sitiruon janah gabe pasu-pasu ma ahu bani keluarga, kuria ampa simbuei. Sai marmulia ma goran ni Tuhan marhiteihon goluhku homa. (Sy Rosenman Saragih Manihuruk)